بە ڕاپۆرتی ئاژانسی هەواڵی مێهر بە پشتبەستن بە کەناڵی ئەلجەزیرە، تۆمی پیگۆت وتەبێژی وەزارەتی دەرەوەی ئەمریکا ئیدیعای کرد کە دیدار لەگەڵ ئێرانییەکان باش بووە و ترامپ دوو بژاردەی خستۆتە بەردەم تاران: درێژەدان بە کارە "خراپەکان" و هەڵگرتنی بەرپرسیارێتی دەرئەنجامەکانیان یان هەڵبژاردنی ڕێگای ئاشتی و خۆشگوزەرانی!
ئاماژەی بەوەشکرد، ئەمریکا پێی وایە بژاردەی ئاشتی و خۆشگوزەرانی باشترین بژاردە بۆ ئێرانییەکان دەبێت و ترامپیش سوورە لەوەی ئێران نەتوانێت چەکی ئەتۆمی بەدەستبهێنێت.
پێشتریش ئیسماعیل بەقایی، وتەبێژی وەزارەتی دەرەوەی ئێران سەبارەت بە هەواڵی دانوستانەکانی ئێران و ئەمریکا لە نیویۆرک وتی: گفتوگۆ لەگەڵ لایەنی ئەمریکی لە ڕێگەی ناوبژیوانێکی قەتەرییەوە بووە.
ناوبراو زیادی کرد: ئەم گفتوگۆیە بە ئامانجی گەیاندنی بارودۆخی ئێران ئەنجام دراوە، لەوانە کۆتایی هێنان بە شەڕ لە هەموو بوارەکاندا، ڕاگرتنی کردەوەی شەڕانگێزی ئەمریکا، گەمارۆی دەریایی و شەڕی ئابووری، ئازادکردنی سەروەت و سامانی ئێران و هتد.
Your Comment